رمضانكم مبروك وكل عام وأنتم بخير!

رجعنا بخبر جديد على Projet Future of Football! هالمشروع اللي يقرّب جماهير نوادي كرة القدم من عملية اتخاذ القرار في أنديتهم.

تذكير بمحتوى Projet:

-كشريك ل Sandlanders, تمت دعوة SOCIOS CSS للمشاركة في الاجتماع الافتتاحي الذي أقيم في بروكسيل نهاية 2023 وين تقابلنا مع كل أعضاء الفرق المشاركة من مختلف البلدان.

-تبادلنا الأفكار وحكينا كل واحد على جمعيتو ومامدى مساهمة جماهيرها في الحياة العملية ليها. خرجنا بنسخة للأفكار الي وقع نقاشها وتطويرها من خلال ورشات عمل لخلق أدوات ممكن تجريبها وفق توصيات FSE.

-تمكنا من ربط علاقات جيدة مع مختلف مكونات ال FSE ووطدنا علاقتنا مع Sandlanders من خلال الاجتماعات المتواصلة.

-عملنا جلسة تجريبية للأدوات مع عدد من منخرطي الهيكل ووصلنا ملاحظاتنا و مقترحات للتطوير

-الخطوة الجاية:

يوم الثلاثاء 11 و25 مارس انطلاقا من الساعة التاسعة والنصف بتوقيت تونس، باش يكونوا معانا Paul و Ayodji، ممثلي Sandlanders والشركاء متاعنا، في اجتماعين أونلاين باش يحكيو معاكم مباشرة على الprojet، يناقشوا التطورات، ويحضروا للمرحلة الأخيرة.

-المرحلتين اللي جايين:

-ندوة عمل في صفاقس أواخر شهر ماي 2025: منتدى خاص بشباب القارة الافريقية، وين باش يكونوا حاضرين المشاركين في المشروع على عين المكان، بما في ذلك Sandlanders، FSE ومنظمات أخرى.

-المنتدى الدولي في مالمو، السويد فما فرصة كبيرة باش تكونوا مشاركين في الحدث هذا، وين باش تتجمع منظمات وممثلين من مختلف البلدان لمواصلة النقاش حول مالخطوات القادمة لهذا المشروع.

بعد شقان الفطر نستناوكم تحظروا معانا الاجتماعات هذي، لأن صوتك مهم والمستقبل يصنعه الجماهير!

للتسجيل يكفي تعمير الاستمارة عبر الرابط التالي في أجل لا يتجاوز يوم الإثنين 10 مارس:

https://urlr.me/UEqvQK

ما تفوّتوش الفرصة، وكونوا حاضرين!

رمضان مبارك للجميع!